دخلت أمي حاولت تهديني لما شافتني في حالة إنهيار، لكن مقدرتش اتحمل وقولتلها “قوليلي يا ماما ليه تيتا بتعمل كده.. هي الـ جددتلي المكان، وهي الـ شجعتني افتحه من جديد.. طب ليه متعمدة تخسرني ليه”.
لقيت ماما بتمسك العروسة من أيدي وبترميها على الأرض كسرتها وقالتلي “فوقي بقا شوية يا خديجة.. دي مش تيتا.. ستك ماكنتش ساحرة يا خديجة اصلا، دي لعبة عملناها عليكي علشان متستعريش من اصلك لما تعرفي أن جدتك كانت رقاصة، وابوكي رفض يفتح المكان ده طول عمره لأنها ماتت محروقة فيه هي وكل الـ كانوا موجودين وقتها في الكباريه”…
سألتها بخوف بعد ما افتكرت صوت الست العجوزة الـ كلمتني امبارح “طب.. طب ومين سيدة السحرة.. مش جدتي؟”.
حضنتني ماما وقالتلي “يا حببتي سيدة السحرة دي أسطورة موجودة في كتاب تل حوين، ابوكي الله يرحمه كان غاوي كتب ولما لقى العروسة اللعبة دي في مكان انتيكات حب يقول إنها جدتك ويحسسك أنه من عيلة كبيرة تتشرفي بيها”.
دلوقتي فهمت كل حاجة.
لمتابعة القراءة اضغط على الرقم الآتي في السطر التالي
